X Używamy plików cookie i zbieramy dane m.in. w celach statystycznych i personalizacji reklam. Jeśli nie wyrażasz na to zgody, więcej informacji i instrukcje znajdziesz » tutaj «.

»» ZDALNE NAUCZANIE. U nas znajdziesz i opublikujesz scenariusze ««
Numer: 2651
Przesłano:

Koszyk na święconkę, jajka do wieszania

U nas na Śląsku są święta Wielkanocne bardzo uroczyście obchodzone,już we wielki tydzień to się już niy robi nic na polu. Od wielkieij środy to już jest post. We wielki Piątek zaraz rano jak yno rozwidnio to lecymy do krzikopy żeby się w ni umyć/oszpluchtać/. Potym nom hazok przynios rozmaite rzeczy: apluszyny,hazoczki, jajuszka, kurki, baranki, kroszonki to było wszystko ze cukru. W piyrsze święto na śniodani warzyli my jajca i się nimi dzielili, bo jakby się kiery w lesie stracoł to się mo przypomnieć z kim się tym jajcym dzieloł i se spomni we kerym miejscu jest. We śmiyrgust rano wczas trza było iść do kościoła.A potym to synki czekają z kiblami i lejom dziołchu. A moja starka na święta chowali kury aby mieć dużo jajec. Bo cza coś upiec, kroszonków cza narobić,no i na śniodani we śmiergust cza jeść smarzonka z wyndzonkom. A trocha przed świętami to my zrobieli świniobicie narobili my krupnioków, żymloków, precwósztu, leberwósztu i dużo miynsa. Muter naważyła na łobiot rolady, karminadle, modro kapusta, czorne kluski i dobro zołza.Zupa była z nudlami, kere sama zrobiła.My momy radosne i familijne świnta. Opowiym wum tera jak wyglondajom tu u nos łobyczaje na święta Wielkanocne. Tak chyba to wszystko zaczyno się tydziyń naprzód we niedziela palmowo. Pszodzi we sobota rychtuje się palmy ze baziów i ku tymu trocha zielonych gałynzi. Z tom palmom idzie się we niedziela na mszo świynto i co by jom ksionc poświynciół. Po połedniu zaś wszystki dziołchy malujom jajca na kroszonki,kere fest bydom przydaju we śmiergust. Ale ło tym potym. Tera wum powiym ło wielgim piontku. Kej moja starka byli tako jak jo, wczas rano we Wielgi Piontek szli się łumyć do krzykopy. Ino te krzykopy były inksze jak dzisioj, bo była w nich piykno czysto woda. Całom drogom nie mieli nic godoc ino rzykoć.Dzipiero jak sie pomodlyli to mogli se pogodoć. Taki to boł łobyczaj. Na drugi dziyń we Wielgo Sobota wszystki szli do kościoła świyńcić jedzynie. Mieli je porychtowane we koszyczkach łobstrojonych zielonym i kwiotkami. Do świncynio niosło się kroszonki, konsek wyndzonki, chlyb, sól i zista Wielganocno. We koszyczku bół też baranek łupieczony ze ciasta kery sie dawało na stół. Wszystki świynconki jadło się we niedziela na śniodanie. Śnoidanie zaczynało się łot skłodanio życzeń i dzielynio świynconom jajkym. No ale to ni ma koniec świont. Najlepszy je pyndziałek-śmiergust. Je to dziyń w kery woda leje sie kiblami. Żodno dziołcha niy może być sucho. Synki lejom dziołchy, a trefi się też łopy,łone wszystki majom z tego kupa uciechy. Za te piykne loci dziołchy dowajom synkom kroszonki co je malowały w niedziela palmowo. No i tak to wyglondajum te łobyczaje. Jak se tak myśla to mi trocha markotno, bo niekiere obyczaje pomału się tracom, ale śmiergust chyba łostanie.

O nas | Reklama | Kontakt
Redakcja serwisu nie ponosi odpowiedzialności za treść publikacji, ogłoszeń oraz reklam.
Copyright © 2002-2020 Edux.pl
| Polityka prywatności | Wszystkie prawa zastrzeżone.
Prawa autorskie do publikacji posiadają autorzy tekstów.